វិធីធ្វើទឹកដោះគោជូរខាប់ រឺ យ៉ាអួ( Yogurt)

យ៉ាអួមានវីតាមីនច្រើនមុខសមស្របសំរាប់កុមារក្នុងវ័យសិក្សា មនុស្សចាស់ អ្នកសម្រករាង និង ក្បាលពោះ ថែមទាំងជួយអោយស្បែកម៉ត់រលោង ភ្លឺស្អាត ព្រោះវាសម្បូរដោយវីតាមីនច្រើនមុខ។ វាមិនត្រឹមតែអាចញុំាបានតែមួយមុខទេ តែគេក៍អាចយកវាមកធ្វើជាម៉ាស់បិទមុខ និង សក់ផងដែរ។
តោះអញ្ចឹងចាំអីយើងរៀនធ្វើខ្លួនឯងទាំងអស់គ្នា អនាម័យហើយ អស់លុយតិចទៀត។

គ្រឿងផ្សំ

-ម្ស៉ៅទឹកដោះគោ ( Milk Powder ) 250g រឺ ទឹកដោះគោខាប់ 1 កំប៉ុង
-យ៉ាអួ 2 កំប៉ុង ( ធ្វើមេ ) ចំណុះ កំប៉ុង 135g
-ទឹកដោះគោស្រស់ 1L
-ទឹក 500 ml
-ស្ករស កន្លះខាំ

វិធីធ្វើ

1. ដាំទឹក(500 ml) អោយពុះ
ទឹកដោះគោស្រស់កំដៅ, កុំអោយពុះ បើមិនចឹងទេវាហ្នឹងឡើងគ្រាប់
2. ដាក់ស្ករស ម្ស៉ៅដោះគោ រឺ ទឹកដោះគោខាប់ ចូលទឹកដែលយើងបានដាំពុះរួច ហើយកូរអោយសព្វ។ ទុកអោយត្រជាក់បន្ដិចសឹមចាក់ដោះគោស្រស់ នឹង យ៉ាអួដែលយើងបានត្រៀមធ្វើមេ ចាក់ចូរចូលហើយកូរអោយសព្វម្ដងទៀត។
3. យកថង់ផ្លាស្ទិកសំរាប់រុំលើផ្លែឈើ មករុំបិទមាត់វាអោយជិត កុំអោយខ្យល់ចូល។
4. ទុកវាអោយរាងត្រជាក់បន្ដិច(កុំអោយក្ដៅពេក រឺត្រជាក់ពេក) រួចសឹមដាក់ វាចូលក្នុងទូរទឹកកក( មិនត្រូវទុកវាដល់ត្រជាក់ហើយបានដាក់ក្នុងទូរទេព្រោះបើធ្វើបែបនេះយ៉ាអួរបស់យើងមិនកាច់មេឡើយ ហើយវាហ្នឹងខូច)
5. ទុកវាក្នុងទូរទឹកកក 24ម៉ោង ក្រោយអ្នកអាចញុំាវាបានហើយ
អ្នកអាចបន្ថែមគ្រាប់ធញ្ញជាតិដែលអ្នកចូលចិត្ដ នៅពេលញុំា ដូចជា ពោត សណ្ដែកខៀវ រឺក្រហម ស្ដប៊ឺរី រឺប្ល៊ុប័រី ក៍បានតាមចំណូល

ចំណាំ: យ៉ាអួរបស់អ្នកមានអាយុកាល 14 ថ្ងៃ ហើយបើយ៉ាអួរបស់អ្នកជូរពេករហូតញុំាមិនកើត ចូរកុំបោះវាចោល អ្នកអាចយកវាមកធ្វើជាម៉ាសមុខ សក់ រឺ ស្បែកបាន។

Facebook Comments